სსიპ-ივანე ჯავახიშვილის სახელობის თბილისის სახელმწიფო უნივერსიტეტი
ეკონომიკისა და ბიზნესის ფაკულტეტი
დეკანის ბრძანება

ქ.თბილისი
ვბრძანებ:
1.    შევიდეს შემდეგი ცვლილებები  „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტზე „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებისათვის პროგრამის „სახელმწიფო სტიპენდიები სტუდენტებს“ ფარგლებში სტიპენდიების მინიჭების საფაკულტეტო წესისა“ და სტიპენდიით დაფინანსებისათვის შესარჩევ კანდიდატთა შეფასების განმახორციელებელი მუდმივმოქმედი შესარჩევი კომისიის დამტკიცების შესახებ“ სსიპ - ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის დეკანის 2017 წლის 15 მაისის №09/29-01 ბრძანებაში:
ა) პირველი პუნქტით დამტკიცებული დანართის პირველი მუხლის მე-4 პუნქტი ჩამოყალიბდეს შემდეგი რედაქციით:
“4. ყოველ სემესტრში ერთხელ, რექტორის ბრძანებით განსაზღვრული სტიპენდიით დასაფინანსებელ სტუდენტთა რაოდენობა ნაწილდება აქტიური სტატუსის მქონე სტუდენტების რაოდენობის პროპორციულად, კურსების მიხედვით. ეკონომიკის ინგლისურენოვანი საგანმანათლებლო პროგრამისთვის სტიპენდიით დასაფინანსებელ სტუდენტთა რაოდენობა გამოიანგარიშება ეკონომიკის, ბიზნესის ადმინისტრირებისა და ტურიზმის ქართულენოვანი საგანმანათლებლო პროგრამების სტუდენტებისგან დამოუკიდებლად. “
ბ) ბრძანების მე-2 პუნქტის „ზ“ ქვეპუნქტის შემდეგ დაემატოს „თ“ ქვეპუნქტი:
„თ) მარინა ჭელიძე.“
2.    წინამდებარე ბრძანების ფაკულტეტის ოფიციალურ ვებგვერდზე და ყველასთვის ხელმისაწვდომ ადგილზე  განთავსება დაევალოს ფაკულტეტის საზოგადოებასთან ურთიერთობის სამსახურს.
3.    ბრძანება ძალაშია ხელმოწერისთანავე.

ფაკულტეტის დეკანი, პროფესორი გიორგი ღაღანიძე